Akuapem Poloo jailed: Ghana court sentence Rosemond Brown to 90 days in jail

Accra Circuit Court sentence Ghanaian actress, Rosemond Brown to three months in prison.

De Court in de judgment argue say de reason for de punitive sentence be sake of dem wan use dis case serve as deterrent to de general public.

De court also reveal say de pregnancy test of de accused be negative.

Around July last year, she enter wrong side of de law after she post nude photo of herself and son online as part of en seventh birthday.

She plead guilty to three charges wey de court level against am which dey include – de publication of obscene materials, engaging in domestic violence in ways which dey undermine de privacy and integrity of another person and finally engaging in domestic violence which go fit spoil de dignity of another human being.

On Wednesday, de Accra Circuit court convict am for publishing nude photos of herself and son.

De judge in her ruling explain say she go serve 90 days in jail concurrently, dis dey concert into three months jail term.

De accused Akuapem Poloo broke down into tears after de sentencing.

Lawyers to appeal court judgement

Lawyers of Akuapem Poloo don indicate say dem go serve notice of appeal against de jail term wey de judge give Akuapem Poloo.

Her lawyer, Andrew Vortia tell journalists say now, Akuapem Poloo “child now dey exposed rather than for de courts to protect am.”

Im argue say de actress no be “habitual offender as she don show remorse, she also pull down de post and she no be indecent lady.”

‘Who Akuapem Poloo offend?’

Moments afta de news break of Akuapem Poloo arrest, she begin trend number one for Ghana Twitter as of de time we write dis tori.

Ghanaians praise and condemn de decision of de Accra Circuit Court to sentence her to 90 days imprisonment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s